Adhunik Coop

अध्यक्षको कलम (Chairman's Message)

आदरणीय शेयरधनी महानुभावहरू एवं शुभचिन्तकहरू,

नेपालको संविधानले परिकल्पना गरेको समाजवाद उन्मुख अर्थतन्त्रको विकासमा सहकारी क्षेत्रलाई एक अपरिहार्य र मजबुत खम्बाको रूपमा आत्मसात् गरिएको छ। यही संवैधानिक संकल्प र समुदायको आर्थिक–सामाजिक रूपान्तरण गर्ने पवित्र उद्देश्यका साथ मिति २०६८ साल मंसिर ७ गते विभिन्न क्षेत्रमा आबद्ध ४७ जना प्रबुद्ध व्यक्तित्वहरूको सामूहिक अठोट र संकल्पबाट यस आधुनिक बचत तथा ऋण सहकारी संस्थाको स्थापना भएको हो।

म आजको यस अवसरमा हाम्रो सहकारीको विगत, वर्तमान र भविष्यप्रति आशावादी दृष्टिकोणका साथ केही महत्त्वपूर्ण कुराहरू साझा गर्न चाहन्छु। हामीले यी वर्षहरूमा अनेकौं चुनौतीहरूको सामना गर्दै आर्थिक स्थिरता र सदस्य विश्वास कायम राख्न सफल भएका छौं।

सहकारिताको मूल्य, मान्यता र सिद्धान्तलाई शिरोधार्य गर्दै सुशासन, पारदर्शिता र जवाफदेहिता नै हाम्रो मूल पहिचान हो। आउनुहोस्, सबै मिलेर समृद्ध र आत्मनिर्भर समाज निर्माणमा योगदान दिऔं।

- कमल थापा क्षेत्री अध्यक्ष, आधुनिक बचत तथा ऋण सहकारी संस्था लि.

व्यवस्थापकीय मन्तव्य (Manager's Desk)

"एक्लै हिँड्दा सायद छिटो पुगिएला, तर टाढासम्म पुग्नका लागि सहकार्य अपरिहार्य छ।"

आदरणीय शेयरधनी महानुभावहरू, आत्मीय सदस्यज्यूहरू तथा शुभचिन्तकहरू,

मानव सभ्यताको विकासक्रमलाई नियाल्ने हो भने, ढुङ्गे युगदेखि नै मानिसले आफ्नो अस्तित्व रक्षाका लागि 'समूह' र 'सहकार्य' लाई नै प्रमुख अस्त्र बनाएको पाइन्छ। हाम्रो आफ्नै माटोमा पनि 'गुठी', 'पर्म', 'ढुकुटी' र 'धर्मभकारी' जस्ता मौलिक अभ्यासहरूले विपद् र उत्सवमा एक-अर्कालाई सघाउने जुन परम्परा बसाले, त्यो नै आजको आधुनिक सहकारीको दार्शनिक जग हो।

विश्व इतिहासको पन्ना पल्टाउँदा, सन् १८४४ मा बेलायतको रोचडेलका २८ जना मजदुरहरूले चर्को शोषण विरुद्ध बालेको 'स्वाभिमानको दियो' आज विश्वव्यापी सहकारी अभियान बनेको छ। नेपालमा वि.सं. २०१३ सालमा बखान सहकारीबाट रोपिएको त्यो बीउ आज वटवृक्ष बनेको छ। यही ऐतिहासिक विरासतलाई आत्मसात् गर्दै, झापाको पूर्वी भेगमा आर्थिक र सामाजिक रूपान्तरणको संवाहक बन्ने पवित्र उद्देश्यका साथ वि.सं. २०६८ मा आधुनिक बचत तथा ऋण सहकारी संस्थाको अभ्युदय भएको हो।

हाम्रो धरातल: विश्वासको जगमा उभिएको 'वित्तीय सारथी'

'आधुनिक' केवल बचत सङ्कलन गर्ने र ऋण प्रवाह गर्ने एउटा काउन्टर मात्र होइन; यो सदस्यहरूको सपना, सङ्घर्ष र सफलतालाई जोड्ने एउटा 'जीवन्त सेतु' हो। ४७ जना प्रबुद्ध व्यक्तित्वहरूको सङ्कल्पबाट सुरु भएको हाम्रो यो यात्रा आज ८००० भन्दा बढी सदस्यहरूको विशाल परिवारमा रूपान्तरण हुनुले हाम्रो विश्वसनीयतालाई पुष्टि गर्दछ।

हामीले अङ्गीकार गरेको "सदस्यसँग प्रगाढ आत्मीयता" को मन्त्र केवल शब्दमा सीमित छैन। जन्मदाको खुशीदेखि मृत्युको पीडासम्म (Cradle to Grave) सदस्यको साथमा उभिनुलाई हामीले आफ्नो संस्थागत धर्म मानेका छौं। तपाईँको सानो बचतलाई राष्ट्रिय पुँजीमा रूपान्तरण गर्दै उत्पादनशील क्षेत्रमा लगानी गर्नु र तपाईँलाई आत्मनिर्भर बनाउनु नै हाम्रो मूल दायित्व हो।

सुशासन र प्रविधि: समयको माग

सहकारीको मूल्य, मान्यता र सिद्धान्तहरूलाई शिरोपर गर्दै वित्तीय सुशासन कायम राख्न हामी कटिबद्ध छौं। काँकडभिट्टादेखि चारआलीसम्मका हाम्रा ५ सेवा केन्द्रहरूबाट प्रवाह हुने सेवामा एकरूपता, पारदर्शिता र जवाफदेहिता हाम्रो पहिचान हो। परम्परागत आत्मीयतालाई 'डिजिटल युग' को सहजता (मोबाइल र SMS बैंकिङ्ग) सँग जोडेर हामीले सेवालाई समयसापेक्ष र परिष्कृत बनाएका छौं।

अन्त्यमा, विश्वास र भरोसाको यो यात्रामा तपाईँ नै हाम्रो प्रेरणाको स्रोत हुनुहुन्छ। हामी तपाईँको आर्थिक उन्नतिको 'असल सारथी' बनेर सधैँ साथमा रहनेछौं। आउनुहोस्, स्वावलम्बी र समृद्ध समाज निर्माणको यो महाअभियानमा हातेमालो गरौं।

पारस ओली व्यवस्थापक आधुनिक बचत तथा ऋण सहकारी संस्था लि.

0

0

0

0

Our Services

Saving Schemes

Loan Facilities

Remittance

Member Service

अध्यक्षको कलम (Chairman's Message)

व्यवस्थापकीय मन्तव्य (Manager's Desk)

हाम्रो धरातल: विश्वासको जगमा उभिएको 'वित्तीय सारथी'

सुशासन र प्रविधि: समयको माग

About Adhunik Cooperative

Latest Updates

📢 अब 'आधुनिक' पनि कर्जा सूचना केन्द्र (CIB) को राष्ट्रिय सञ्जालमा! 🏦✅

कार्यालय समय सम्बन्धी जरुरी सूचना

आधुनिक साकोसले प्राप्त गर्‍यो राष्ट्रिय सहकारी नियमन प्राधिकरण (NCRA) बाट आधिकारिक सञ्चालन इजाजतपत्र